Proiektuak berreskuratuz

Aspaldiko proiektuak berreskuratzeko momentua da. Proiektu zaharrak,  proiektu berri bihurtu ditut oraingoan.  Sarritan ez da erreza motibazioa berreskuratzea hilabete batzuk geldi egon ondoren. Gelditzera behartu ninduen atzamarretako lesioak ez dira sendatu, baina motibazioa geldiezina da.

Baltzolako koban ditudan proiektuak egitea daukat helburu, egia esan nahikotxo kostatzen ari zait indarrak berreskuratzean, eta antzinako leku berdinean behin ta berriz erortzeak  burua jipoitzen dit. Baina, motibazioa ez dut galtzen, eta egin nahi dudana egitera iritsiko naizela ez daukat dudarik. Ez dakit noiz, zenbat lan egin beharko dudan,  baina gogoak ez zaizkit falta. Berrio diot, atzera goaz aurrera ez bagoaz.

Proiektu zaharrak kateatu ezinik, proiektu eta ilusio berriek lan honetan lagunduko didatela pentsatzen dut, beraz, bide berriak buruan sartzeko unea da,  bide zaharrei buruan daukaten lekua kendu gabe.

Espero dut aurrera egitea, niretzako terapia izan den eta beti izango den kirol hau egiten jarraituko dut beti, eskaladak biltzen dituen modalitate guztietan. Momentu bakoitzean, gorputzak eta buruak eskatzen didanari erantzunez. Bidea luzea da, baina nire esku dagoen guztia egingo dut ahalik eta azkarren helmugara heltzeko. 

Esatea bide batez, Aupa Gontzal! zorionak zure kateaketagaitik!

Youtuben trasteatzen, bideo hau berreskuratu dut: Aupa Gaizk!!