Berotzen

Bi, hiru, ez dakit zenbat hilabete katuoinak jantzi gabe. Igandean denbora guzti hau berreskuratzeko helburuarekin joan nintzen Santa Gadeara. Monoa asetu nahian, nire besoek aguantatu zuten beste eskalatu nuen, atseden barik, edo etengabeko atseden mentalean.

Nekatuz deskantsatu.

Bideoan "La Lijada" blokea. Duela gutxi egin nuen lehenengoz, bloke oso ezagun batetan egonda ere, bide hau ez nuen aurretik ezagutzen. Erreza da, baina astiro astiro egin beharrekoa.

Igandean eguna hasteko eta gorputza pixka bat berotzeko eskalatu genuen bide hau. Baita bere ezkerrekoa ere, "hostion para el colchon". Beroketa amaitzeko pixka bat eskumarago dagoen 6a+ bat egin nuen, bideoko bigarren bidea. Bide guzti hauen erdian dago nire burua okupatzen duen proiektua.

Datorren asteburuan itzultzeko asmoa daukat, eta bide hau dagoeneko ametsetan kateatu dudanez, orain, errealitatean kateatzea besterik ez da falta. Datorren igandean.

Nire iragana, oraina eta etorkizuna. Santa Gadea.

Eskalatzeko gogoak ezin aguantatu Igandean Burgosera joan ginen. Konpania ona, eguraldi ona eta bloke onak... Giro bikaina eskalatzeko.

Nire aldetik egindako blokeak errepikatzen jarraitzen dut. Behin baino gehiagotan esan dudan bezala Santa Gadea leku berezia da niretzat. Bertan ordu asko pasatu ditugu eta leku hau ezagutzen hasi ginenean egindako blokeak errepikatzean zerbait berezia sentitzen dut. ZERBAIT BEREZIA SENTITU = MOTIBAZIOA

Bloke tipikoa Gadean, oso oso ona. Dinamikoa, hankak mugitu, monodedo, regleta, dinamiko, romo eta irten. Bloke perfektuaren definizioa. "monodedo" a bideoan ez da ondo ikusten, baina batzutan, naturak paradisua ikusi, ikutu eta sentitzeko aukera ematen digu. Santa Gadea. BULLDOZER.

Santa Gadea

Duela gutxi Santa Gadean egon giñen Aritza Palmero eta hirurok. Ez genuen gehiegi eskalatu, baina nik berriki erositako denda estreinatu genuen Arijako kanpinean. Pare bat gau pasa genituen, igande gauean joan eta astelehena eta asteartea eman genituen bertan. Asmoa bi egunetan eskalatzea zen, baina astelehen gauean izugarrizko euriteak egon ziren. Goizean dena bustirik zegoen, beraz dena batu eta etxerako bidea hartu genuen. Hona hemen astelehenean ateratako argazki batzuk.